Пракурор папрасіў асудзіць расіяніна Аляксандра Разумава, які абвінавачваецца ў спробе вярбоўкі паліцэйскіх у фарміраванні ўкраінскага «Правага сектара», на 8 гадоў калоніі. Сам Разумаў сваю віну не прызнае і сцвярджае, што яго судзяць толькі за антырасійскія выказванні ў сацсетках.
Выступаючы ў сераду ў Маскоўскім гарадскім судзе, пракурор папрасіў прызначыць Разумаву 8 гадоў зняволення ў калоніі агульнага рэжыму і яшчэ два гады абмежавання волі пасля таго, як той адсядзіць.
26 жніўня Разумава прызналі вінаватым прысяжныя.
Паводле версіі Следчага камітэта, з якой пагадзіліся прысяжныя, Разумаў у мінулым годзе ездзіў ва Украіну, дзе праходзіў баявую падрыхтоўку ў лагеры «Правага сектара» ў Чарнігаўскай вобласці. Затым, па вяртанні ў Расію, Разумаў, як лічыць абвінавачванне, паспрабаваў завербаваць у узброеныя фарміравання «Правага сектара» двух паліцэйскіх.
У самім «Правам сектары», які ў Расіі прызнаны экстрэмісцкім і дзейнасць якога забароненая, заявілі, што Разумаў ніколі не быў у шэрагах арганізацыі.
Цяпер чытаюць
«Галандскі архітэктар», які адбудаваў Вострую браму і паставіў сабе дом-крэпасць у Гайцюнішках, аказаўся ніякім не галандцам. Але яго спадчына захапляе1010
Каментары