Кіраўнік ініцыятыўнай групы па вылучэнні кандыдатам у прэзідэнты эканаміста Віктара Цярэшчанкі Алег Несцяркоў, аб знікненні якога ўчора заявілі ў выбарчым штабе, знайшоўся.
Пра гэта паведаміў Сяргей Скрабец, які з'яўляўся даверанай асобай Цярэшчанка.
«Несцяркоў знайшоўся, я ўчора з ім размаўляў. З ім усё нармальна», - сказаў Скрабец.
Паводле яго слоў, Несцяркоў патлумачыў, што не выходзіў на сувязь з паплечнікамі, бо быў зламаны тэлефон. «Гэта яго асабістая справа», — дадаў Скрабец.
Узяць каментар у самога Несцяркова не ўдалося — ён па-ранейшаму не адказвае на тэлефонныя званкі.
Пра тое, што Несцяркоў знік і больш за тыдзень не выходзіць на сувязь са штабам, паведаміў Цярэшчанка 10 верасня.
«Нашы спробы знайсці яго не ўвянчаліся поспехам. Больш за сем дзён я яго не бачыў і не чуў. Два яго мабільныя тэлефоны адключаныя, члены майго штаба спрабавалі яго знайсці, але не знайшлі. Кудысьці ад'ехаць ён не мог. Падобна на тое, што нешта адбылося з ім», — распавёў Цярэшчанка.
Цяпер чытаюць
«Паездкай мы задаволеныя, але сівых валасоў дадалося». Жыхарка Светлагорска адпачыла ў Геленджыку і дзеліцца эмоцыямі9
«Паездкай мы задаволеныя, але сівых валасоў дадалося». Жыхарка Светлагорска адпачыла ў Геленджыку і дзеліцца эмоцыямі
У Беларусі зацвердзілі правілы эвакуацыі каштоўнасцяў на выпадак вайны: цэглу з Брэсцкай крэпасці з надпісамі будуць ратаваць перш за карціны Шагала і Суціна1414
Каментары