Гэтак лічыць кандыдат тэхнічных навук, галоўны тэхноляг вытворча‑тэхнічнага аддзела РУП «БелНДПІэнергапрам» Віктар Юшко.
Група беларускіх вучоных занепакоена верагоднасцю таго, што з пачаткам будаўніцтва АЭС у Беларусі іншыя кірункі энергетыкі не будуць развівацца. Такі пункт гледжання выказаў на круглым стале 9 сакавіка кандыдат тэхнічных навук, галоўны тэхнолаг вытворча‑тэхнічнага аддзела РУП «БелНДПІэнергапрам» Віктар Юшко.
На думку вучонага, будаўніцтва АЭС у Беларусі — гэта «палітыка на загніванне».
«Да 2020 года мы запусцім атамную станцыю. Нармальна функцыянаваць яна не зможа, таму што да таго часу ядзернае паліва ў свеце будзе на зыходзе. Іншыя ж кірункі энергетыкі мы не развівалі, таму што ўсе сродкі былі пушчаны на АЭС. Разваліцца ўся эканоміка рэспублікі, уся энергетыка», — зазначыў В.Юшко.
Ён лічыць, што «таннасць атамнай энергіі — гэта міф». «Гэтыя сцвярджэнні былі абгрунтаваныя ў канцы 1990‑х — пачатку 2000‑х гадоў. Аднак за апошнія сем гадоў ядзернае паліва падаражэла ў 21 раз. Параўнаем, газ — усяго ў тры разы», — падкрэсліў вучоны. Таму электраэнергія, што выпрацоўваецца на АЭС, з кожным годам робіцца ўсё даражэйшай і даражэйшай. Рэальны кошт атамнай электраэнергіі, паводле яго слоў, у пяць разоў вышэйшы за кошт электраэнергіі цеплавых станцый.
Вучоны прывёў звесткі Сібірскага аддзялення Расійскай акадэіміі навук аб тым, што «развіццё ядзернай энергетыкі на рэактары з цеплавымі нейтронамі бесперспектыўнае».
«Згодна з іх даследаваннямі, да 2020—2025 гадоў на 50% АЭС не будзе хапаць ядзернага паліва, а да 2050 года яго наогул не будзе, бо запасы прыроднага ўрану абмежаваныя і да таго будуць вычарпаныя», — сказаў ён.
В.Юшко падкрэсліў, што з навуковага і практычнага пункту гледжання сёння больш мэтазгодна ўкладваць сродкі «ў больш перспектыўныя кірункі ў энергетыцы», напрыклад у ветраэнергетыку. Паводле яго слоў, распрацаваная ім праграма па развіцці альтэрнатыўных крыніцаў энергіі мае на мэце да 2020 года поўнасцю замясціць атамную электраэнергію альтэрнатыўнымі крыніцамі энергіі.
-
Статкевіч: Для Беларусі можа стварыцца такая сітуацыя, што ўсе дзяржавы вакол нас будуць мець ядзерную зброю
-
Стаўка большая, чым жыццё: што азначае ліст Зяленскага Пуціну
-
Палітвязень Кім Самусенка параўнаў свет на моманты яго пасадкі і вызвалення: Усё нядрэнна для еўрапейскай цывілізацыі, а значыць, і для беларусаў
Цяпер чытаюць
Хто забараняе ў Беларусі кнігі — вось гэтыя 22 чалавекі33
Хто забараняе ў Беларусі кнігі — вось гэтыя 22 чалавекі
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі9191
Каментары