Смог над Мінскам, які выклікае непакой мінчукоў і шматлікія званкі ў службу выратавання, звязаны з неспрыяльнымі ўмовамі надвор'я: пажараў у горадзе і яго ваколіцах няма.
Як растлумачылі ў Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя, два дні ў Мінску быў практычна поўны штыль: хуткасць ветру складала 1-3 метры за секунду, што спрыяе назапашванню забруджвальных рэчываў у прыземным слоі паветра.
Сітуацыя пагаршаецца тым, што на працягу доўгага перыяду адсутнічалі ападкі. Пры такіх неспрыяльных для рассейвання метэаралагічных умовах адзначаны рост утрымання ў паветры цвёрдых часціц дробнадысперснай фракцыі (дыяметрам 2,5 і 10 мікрон).
У Гідраметцэнтры чакаюць, што дробны дождж, які месцамі ідзе ў горадзе, можа ўзмацніцца, што павінна палепшыць абстаноўку.
Хто з беларусаў трапіў на прыём да прэзідэнта Польшчы ШМАТ ФОТА10
Каментары