У Польшчы створаць Нацгвардыю, у якую ўвойдзе да 300 тысяч асоб
Міністэрства абароны Польшчы распрацоўвае канцэпцыю стварэння Нацыянальнай гвардыі. Аб гэтым піша выданне Rzeczpospolita.
Гаворка ідзе пра ваенізаваную арганізацыю, якая ў выпадку вайны павінна змагацца разам з прафесійнымі вайскоўцамі, займацца, між іншым, аховай мірных грамадзян і абаронай мяжы. У мірны час яна павінна дапамагаць органам мясцовага самакіравання ў ліквідацыі наступстваў стыхійных бедстваў і катастроф.
Як чакаецца, на наступным тыдні канцэпцыя павінна трапіць да міністра абароны Тамаша Семаняка.
«Я спадзяюся, што да гэтага праекту таксама будуць прыцягнутыя МУС і органы мясцовай улады», — сказаў адзін з аўтараў праекта, саветнік міністра Багуслаў Пацэк.
Узорам для Нацыянальнай гвардыі павінен стаць фармацыя «Гемварнет», што дзейнічае ў Швецыі. Гвардыя можа налічваць да 300 тысяч чалавек.
Аддзелы Нацгвардыі павінны быць створаны на працягу трох гадоў у буйных гарадах і паветах. Пазней чакаецца, што свае адзінкі будуць у кожнай гміне.
Плануецца, што ў склад гвардыі будуць уваходзіць добраахвотнікі — рэзервісты, члены ваенізаваных арганізацый, пажарныя, мытнікі, паляўнічыя. Аўтары канцэпцыі мяркуюць, што добраахвотнікі будуць атрымліваць і зарплату.
Цяпер чытаюць
Сям’ю з дзіцём не пусцілі есці ўнутры кавярні піцу навынас. «Гараж» апраўдваецца, інтэрнэт спрачаецца4
Сям’ю з дзіцём не пусцілі есці ўнутры кавярні піцу навынас. «Гараж» апраўдваецца, інтэрнэт спрачаецца
Беларускія абрады, арнаменты і беларуская мова паўсюль. Як нашчадак перасяленцаў зрабіў сяло каля Байкала зноў беларускім, і чаму гэта можа хутка скончыцца1010
Каментары