Прэзідэнт Польшчы Анджэй Дуда наклаў вета на змены да Закону аб нацыянальных і этнічных меншасцях і аб рэгіянальных мовах. Пра гэта паведамляецца на сайце Канцылярыі прэзідэнта.
У прыватнасці, як адзначаецца ў паведамленні, сумневы ў кіраўніка польскай дзяржавы выклікаў артыкул, які дазваляе мясцовым органам самакіравання на ўзроўні паветаў, акрамя афіцыйнай мовы, карыстацца мовай меншасцяў.
Анджэй Дуда абгрунтаваў сваё рашэнне адсутнасцю фінансавых падлікаў для бюджэтаў паветаў і гмін, звязаных з увядзеннем і выкарыстаннем на іх тэрыторыі дапаможнай мовы.
Магчымасць выкарыстання, акрамя афіцыйнай мовы, мовы меншасцяў у паветах у якасці дапаможнай была самым важным артыкулам у законе.
Згодна з дзейным заканадаўствам, такая магчымасць існуе толькі пры разглядзе дакументаў органамі гміны. Змены павінны былі даць магчымасць грамадзянам-прадстаўнікам нацменшасцяў звяртацца ў органы самакіравання ў пісьмовай або вуснай форме, а таксама атрымліваць адказы на іх роднай мове.
Акрамя таго, па звароце нацыянальнай або этнічнай меншасці савет гміны мог бы таксама прыняць рашэнне ў форме пастановы аб прысваенні другой назвы мясцовасці або аб'екта на мове меншасцяў.
Цяпер чытаюць
Мінскія ўлады расказалі, як будуць змагацца з «акіянам аўтамабіляў» у дварах2
Каментары