Удзельнікі міжнародных перамоў па Сірыі, якія адбыліся ў суботу, 14 лістапада, у Вене, дамовіліся правесці выбары ў Сірыі праз паўтара года.
Пра гэта па выніках сустрэчы заявіў кіраўнік МЗС Германіі Франк-Вальтэр Штайнмаер, піша Reuters.
Паводле паведамлення, пры гэтым пераходны ўрад павінен быць сфармаваны на працягу паўгода, а ў гэты час будзе рыхтавацца новая канстытуцыя краіны. «Ні ў каго няма ілюзій, што гэта будзе вельмі складана ажыццявіць», — сказаў ён.
Адзначаецца, што ўдзельнікі сустрэчы прыйшлі да разумення неабходнасці перамір'я ў самыя кароткія тэрміны. Пра гэта заявіў кіраўнік МЗС Ірака Ібрагім аль-Джаафар.
Перамовы ў венскім гатэлі «Імперыял» працягваліся больш за пяць гадзін. Бакі, у прыватнасці, узгаднілі пералік тэрарыстычных арганізацый, якія дзейнічаюць на тэрыторыі Сірыі.
Удзел у сустрэчы прымалі міністры замежных спраў амаль 20 дзяржаў, а таксама прадстаўнікі Лігі арабскіх дзяржаў, Арганізацыі ісламскага супрацоўніцтва і Еўрасаюза.
Цяпер чытаюць
Біцэпсы Івана Краўцова здзівілі сацсеткі. Ён расказаў, як трымае сябе ў спартыўнай форме11
Біцэпсы Івана Краўцова здзівілі сацсеткі. Ён расказаў, як трымае сябе ў спартыўнай форме
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі3939
Каментары