У Варшаве паліцэйскія затрымалі 24-гадовага беларуса, які прадстаўляўся супрацоўнікам банка і атрымліваў наяўныя грошы ў ахвяр тэлефоннага махлярства. Па рашэнні суда яго арыштавалі на тры месяцы, піша Most.
Адзін з пацярпелых распавёў паліцыі, што паверыў таму, хто тэлефанаваў, які прадставіўся супрацоўнікам банка і папярэдзіў пра нібыта пагрозу для яго зберажэнняў. У выніку мужчына перадаў незнаёмцу 50 тысяч злотых (прыкладна 13 400 даляраў) і дзве банкаўскія карты з пін-кодамі.
Аператыўнікі хутка ўстанавілі месца, дзе знаходзіўся адзін з падазраваных. Ім аказаўся 24-гадовы беларус, які, паводле следства, асабіста атрымаў грошы і карты. Яго затрымалі на месцы. Падчас ператрусу ў офісе супрацоўнікі паліцыі канфіскавалі буйную суму наяўных у злотых, далярах і еўра.
Падчас следчых дзеянняў у офіс прыйшоў і 22-гадовы ўкраінец, які заявіў, што даставіў чарговую «пасылку» — 39 тысяч злотых (10 500 даляраў), атрыманых ад іншага чалавека. Ён таксама прызнаўся, што ўжо некалькі разоў забіраў наяўныя ў розных гарадах Польшчы і прыносіў іх у гэты офіс. Яго таксама затрымалі.
Усяго паліцыянты канфіскавалі ў затрыманых 135 500 злотых (36 500 даляраў), 8 660 даляраў і 200 еўра. Абодва мужчыны абвінавачваюцца ў здзяйсненні махлярства. Следства працягваецца: праваахоўнікі не выключаюць, што затрыманыя могуць быць датычныя да іншых аналагічных злачынстваў.
-
У Германіі пачаўся суд над украінцам, якога абвінавачваюць у падрыве «Паўночнага патоку»
-
Інжынер OpenAI ставіў жучкі ў офісе кампаніі. Яго затрымала ФБР, але пакуль няясна, на каго ён працаваў
-
Новая прэс-сакратарка Трампа правяла першы брыфінг — і ў Белым доме ўжо сумняваюцца, ці доўга яна пратрымаецца
Цяпер чытаюць
У Мінску прадаюць дом на вадзе. Колькі просяць за незвычайны аб'ект на Чыжоўскім вадасховішчы?3
Каментары