«Больш глядзіце беларускае тэлебачанне». Чыноўнік з Мінюста адказаў на заклапочанасць умовамі ўтрымання палітвязняў
Настаўніца і блогерка Вольга Павук патэлефанавала начальніку галоўнага ўпраўлення прымусовага выканання Міністэрства юстыцыі Сяргею Нікелю і запыталася ў яго, ці справядліва тое, што палітзняволеныя ў ізалятарах утрымліваюцца ў нашмат горшых умовах, чым забойцы. У адказ той парэкамендаваў ёй глядзець БТ і звярнуў увагу, што межы краіны адкрытыя.
Жанчына прадставілася сваячкай чалавека, які нядаўна адбыў адміністрацыйнае пакаранне па палітычных матывах і скардзіўся на невыносныя ўмовы ўтрымання. Яна пацікавілася ў Сяргея Нікеля, да каго трэба звяртацца, каб гэтыя ўмовы палепшыліся.
Сяргей Нікель на гэта адказаў, што грамадзянам трэба перагледзець «ідэалагічныя падыходы ўнутры сябе» і «ставіцца да дзяржавы з грамадзянскім доўгам». Маўляў, людзі атрымліваюць ад дзяржавы даброты, а пасля гэтую дзяржаву бэсцяць ды яшчэ скардзяцца на нейкія прыцясненні.
Калі Вольга Павук звярнула ўвагу, што ў людзей, затрыманых за забойствы і іншыя цяжкія злачынствы, умовы значна лепшыя, чыноўнік выказаў здагадку, што жанчына «начыталася экстрэмісцкіх каналаў, калі вырашыла задаць гэта пытанне».
Паняцця ж «палітзняволены» ў Беларусі, маўляў, няма, яго «прыдумалі нашыя ідэалагічныя сапернікі і праціўнікі, якія ўсяляк замінаюць беларусам жыць». Вольгу Павук ён назваў іхнім «інструментам уплыву». Званок жа яе быў нібыта выкліканы намерам «справакаваць сітуацыю».
На пытанне, хто яна і чым займаецца, Павук адказала, што яна прыватная выкладчыца англійскай мовы, на што Сяргей Нікель адказаў, што «пад пытаннем, хто вы і што вы». Пасля чаго парэкамендаваў «менш глядзець экстрэмісцкіх каналаў і больш глядзець беларускае тэлебачанне». Калі ж жанчыне нешта не падабаецца, то «ў нас межы адкрытыя, паедзьце туды, дзе шчасце і радасць».
Сілавікі знялі відэа з бацькамі Андрэя Павука
Андрэй Павук прыйшоў на прайд у Вільні ў форме міліцыянта з чырвона-зялёным сцягам. Чаму?
«Азаронак — выдатны журналіст». Намеснік міністра інфармацыі пракаментаваў стрымы Азаронка
Павук паехаў да расійскага пасольства ў Вільні. Там у яго сцягнулі веласіпед і пачаліся разборкі
Цяпер чытаюць
Яны пайшлі ад нас у 2025 годзе. Згадваем беларусаў, якіх мы страцілі4
Каментары
и чем вы цензурой от совбелии тогда отличаетесь?