Прэзідэнтка Малдовы Мая Санду заявіла, што Расійская Федэрацыя рыхтуецца да моцнага і беспрэцэдэнтнага ўмяшання ў парламенцкія выбары, запланаваныя на 28 верасня 2025 года. Пра гэта паведаміла агенцтва Reuters.
Санду адзначыла, што галоўную пагрозу для выбараў уяўляюць карупцыя і незаконнае фінансаванне з боку Расіі. Паводле яе слоў, Масква ўжо інвестуе ў шэраг палітычных праектаў, каб правесці ў парламент сваіх прадстаўнікоў і падарваць дэмакратычныя працэсы ў краіне.
Яна заявіла, што Расія падтрымлівае так званы «суверэнны блок», які, па яе словах, не мае нічога агульнага з інтарэсамі Малдовы і выступае супраць еўрапейскай інтэграцыі. Таксама адзначалася падтрымка папулісцкай і агрэсіўнай групы, звязанай з бізнэсменам Іланам Шорам, а таксама шэрагу незалежных кандыдатаў.
Паводле Санду, Расія выкарыстоўвае наступныя асноўныя інструменты ўмяшання:
- незаконнае фінансаванне праз крыптавалюты на суму каля 100 мільёнаў еўра;
- інфармацыйныя маніпуляцыі з-за мяжы;
- арганізацыя аплачаных пратэстаў;
- кібератакі на выбарчую інфраструктуру;
- перашкоды ў галасаванні для дыяспары і іншае.
Мая Санду падкрэсліла, што такое ўмяшанне стварае рызыкі для грамадскага парадку, нацыянальнай бяспекі і можа пагражаць суверэнітэту і еўрапейскай будучыні краіны.
Яна таксама паведаміла, што ўлады ўжо ўжылі каля 25 тысяч санкцый за парушэнні выбарчага заканадаўства, а сума штрафаў дасягнула амаль 15 мільёнаў леяў (каля 770 тысяч еўра).
Цяпер чытаюць
«Я стаў шчаслівы». Праца на будоўлі прыносіць добрыя грошы, а грамадская актыўнасць — маральную сілу. Былы каліновец Кусь расказаў пра тое, як вярнуў унутраную раўнавагу11
«Я стаў шчаслівы». Праца на будоўлі прыносіць добрыя грошы, а грамадская актыўнасць — маральную сілу. Былы каліновец Кусь расказаў пра тое, як вярнуў унутраную раўнавагу
«Галандскі архітэктар», які адбудаваў Вострую браму і паставіў сабе дом-крэпасць у Гайцюнішках, аказаўся ніякім не галандцам. Але яго спадчына захапляе1010
Каментары