Муж і жонка падманулі з надмагільнымі помнікамі больш за 100 чалавек
У Брэсце суд прысудзіў мужа і жонку да пазбаўлення волі за тое, што яны падманулі больш за 100 чалавек, абяцаючы паставіць помнікі на могілках. Іх прызналі вінаватымі ў махлярстве паводле ч. 2 і 4 арт. 209 Крымінальнага кодэкса.
Пара працавала дырэктарам і намеснікам дырэктара ў кампаніі, якая вырабляла помнікі. З канца 2021 года да чэрвеня 2024 года яны заключалі дамовы з людзьмі, бралі перадаплату, хоць ведалі, што не змогуць выканаць узятыя абавязкі цалкам і ў тэрмін.
За тры гады яны атрымалі больш за 720 тысяч рублёў ад 116 пацярпелых, але падчас следства вярнулі толькі 200 тысяч.
У выніку мужчына асуджаны на 9 гадоў, жанчына — на 7 гадоў пазбаўлення волі. Акрамя таго, ім прызначылі штраф у памеры 100 базавых велічынь кожнаму (па 4200 рублёў). Суд таксама пастанавіў спагнаць з іх сумесна матэрыяльную шкоду на карысць 42 пацярпелых і кампенсацыю маральнай шкоды для 22 чалавек.
Цяпер чытаюць
У Мінску адбыліся масавыя затрыманні выдаўцоў і кнігараспаўсюднікаў32
Каментары