Амерыканская амбасада ў Кабуле — сталіцы Афганістана —папярэдзіла грамадзян ЗША, якія знаходзяцца на тэрыторыі горада, аб магчымай небяспецы ў сувязі з інфармацыяй пра напад, які рыхтуецца.
Пра гэта гаворыцца ў паведамленні, апублікаваным у панядзелак на афіцыйным сайце амбасады, перадае Reuters.
«Амбасада ЗША ў Кабуле атрымала дакладныя паведамленні аб маючай адбыцца атацы ў Кабуле на працягу бліжэйшых 48 гадзін. У дадзены перыяд падвышанай пагрозы амбасада ЗША настойліва рэкамендуе амерыканскім грамадзянам быць вельмі асцярожнымі падчас перамяшчэння па горадзе. Падрабязнасцяў пра магчымы напад пакуль няма», — гаворыцца ў паведамленні.
Каментары