Міністр замежных спраў Беларусі Уладзімір Макей абмеркаваў актуальныя пытанні супрацоўніцтва Беларусі з ЕС і НАТА ў ходзе рабочага візіту ў Брусэль 13—14 снежня, паведамляе прэс-служба МЗС.
Макей сустрэўся з міністрамі замежных спраў краін — членаў Еўрасаюза, у ходзе якой бакі абмяняліся думкамі пра стан і перспектывы узаемадзеяння Беларусі і Еўрасаюза.
Кіраўнік МЗС Літвы Лінас Лінкявічус у сваім твітар-акаўнце ахарактарызаваў атмасферу на перамовах як «канструктыўную і добразычлівую». Літоўскі міністр таксама заявіў аб адабрэнні «першых крокаў Беларусі» і чаканні прагрэсу ў пытаннях правоў чалавека і дэмакратыі.
Запіс з падобным зместам з'явіўся і ў твітары міністра замежных спраў Славакіі Міраслава Лайчака.
Уладзімір Макей з міністрам замежных спраў Славакіі Міраславам Лайчакам
Міністр замежных спраў Аўстрыі Себасціян Курц па выніках сустрэчы таксама заявіў у твітары, што спадзяецца на далейшы прагрэс у Беларусі, і пазітыўна ацаніў ролю Мінска ва урэгуляванні канфлікту ва Украіне.
Кіраўнік знешнепалітычнага ведамства Беларусі таксама правёў перамовы з Высокім прадстаўніком ЕС па знешняй палітыцы і палітыцы бяспекі Федэрыкай Магерыні, еўракамісарам па Еўрапейскай палітыцы суседства і перамовах аб пашырэнні ЕС Йаганесам Ханам, намеснікам генеральнага сакратара НАТА Аляксандрам Вершбоу.
Цяпер чытаюць
Расіянка расказвала пра глыбінную моц Лукашэнкі — цяпер яна ў слязах з'язджае з Беларусі25
Каментары