Міністэрства замежных справаў паабяцала кампэнсаваць Белсату кошт абсталяваньня, забранага беларускай міліцыяй пасьля ператрусаў. Але адначасова на 3 мільёны злотых, да 18 мільёнаў злотых (8 мільёнаў даляраў), зьменшыла фінансаваньне каналу.
У пятніцу міністар замежных справаў Польшчы Радаслаў Сікорскі заявіў, што аплоціць Белсату кошт забранага беларускай міліцыяй абсталяваньня. Пра гэты ягоны жэст паведамлялі сродкі масавай інфармацыі.
— Паводле папярэдніх разьлікаў, дапамога складзе 50—70 тысяч злотых (25—30 тысяч даляраў), — сказаў прэсавы сакратар МЗС Пётар Пашкоўскі.
Аднак у той самы дзень на пісьмовы стол члена праўленьня Польскай тэлевізіі (TVP) Славаміра Сіўка лёг ліст, датаваны 17 сакавіка, у якім МЗС паведамляе, што вылучае сёлета Белсату на 3 мільёны злотых (каля 1,4 мільёна даляраў) меней, чым плянавалася: 18 мільёнаў злотых (8 мільёнаў даляраў) замест 21 мільёна злотых — і гэта канчатковая сума.
Кошт дзейнасьці Белсату сёлета ацэньваўся ў суму каля 27 мільёнаў злотых. Акрамя грошай з МЗС, чакалася, што 6 мільёнаў вылучаць замежныя партнэры. На пытаньне пра прычыны зьмяншэньня фінансаваньня каналу МЗСам, Пётар Пашкоўскі адказаў толькі: «Я ня ў курсе».
Каб рабіць канал для Беларусі пры зьменшаным бюджэце, TVP будзе вымушаная пайсьці на скарачэньне часу трансьляцыі.
Цяпер чытаюць
Як выглядае стылёвы дом новай рэктаркі Акадэміі мастацтваў коштам паўмільёна даляраў18
Як выглядае стылёвы дом новай рэктаркі Акадэміі мастацтваў коштам паўмільёна даляраў
Пагражаў вайскоўцам раскрыць, хто з іх гомасэксуал, каб выпытаць сакрэты і прадаць Украіне. Вось за што адыёзны функцыянер БРСМ атрымаў 17 гадоў калоніі1212
Каментары