Выпрабавальны пуск крылатай ракеты на палігоне міністэрства абароны Расіі ў Архангельскай вобласці скончыўся няштатнай сітуацыяй: ракета адхілілася ад зададзенай траекторыі і ўпала паблізу населенага пункта Нёнакса.
Як паведамляе мінабароны Расіі, у выніку здарэння разбурэнняў і пацярпелых няма.
Як паведаміў мясцовы сайт навін «Праўда Поўначы», частка ракеты няштатна аддзялілася і ўпала на трохпавярховы цагляны жылы дом; у будынку адбыўся пажар, які хутка патушылі. Жыхары дома былі аператыўна эвакуяваныя. Аднак у МНС «Праўдзе Поўначы» не пацвердзілі ўдзел пажарнікаў у тушэнні агню.
Крыніца ў сілавых структурах сказала агенцтву ТАСС, што частка ракеты ўпала на жылы дом і што пры гэтым ніхто не пацярпеў.
«На палігоне мінабароны Расіі спецыялістамі прамысловасці (НВА машынабудавання) праводзіліся выпрабавальныя стрэлы крылатай ракетай. Пасля пуску ў выніку няштатнай сітуацыі ракета адхілілася ад зададзенай траекторыі і ўпала паблізу населенага пункта Нёнакса», — адзначыў прадстаўнік мінабароны.
Цяпер на месцы здарэння працуе камісія прадстаўнікоў расійскай абароннай прамысловасці, якія высвятляюць прычыну падзення ракеты.
«Вельмі добра разумею беларускую мову. Нават не думаў». З'явілася ВІДЭА размовы беларускіх палітвязняў з Зяленскім12
«Вельмі добра разумею беларускую мову. Нават не думаў». З'явілася ВІДЭА размовы беларускіх палітвязняў з Зяленскім
Бабарыка і Калеснікава пагаварылі з Інгай Ругінене і заклікалі Літву «далучыцца да дыпламатычных намаганняў ЗША» і «не прапусціць акно магчымасцей»3333
Каментары