Кансультацыя Лізаветы Гайдукевіч каштуе 25 даляраў.
Дачцэ дэпутата і старшыні ЛДПБ Алега Гайдукевіча цяпер 21 год. Яна скончыла БДУ па спецыяльнасці «Псіхалогія» (медыцынская), цяпер працягвае вучыцца ў магістратуры і піша магістарскую працу, прысвечаную тэме смерці.
У сваім інстаграме дзяўчына распавядае, што дадаткова вучылася арыентаванай на рашэнні кароткатэрміновай тэрапіі, кагнітыўна-паводніцкай тэрапіі і mindfulness. Таксама падкрэслівае, што мае досвед працы ў навуковым аддзеле РНПЦ псіхічнага здароўя.
Лізавета піша: «Для мяне важна, каб кансультацыя была бяспечнай прасторай, дзе можна адкрыта гаварыць і адчуваць падтрымку і прыняцце».
На тэрапію псіхолаг запрашае тых, каму больш за 14 гадоў. Працуе яна анлайн, за 50 хвілін кансультацыі просіць 25 даляраў. Абяцае, што для вырашэння праблемы будзе дастаткова ад трох да дзесяці сустрэч.
Па словах дзяўчыны, да яе часцей за ўсё звяртаюцца з такімі запытамі як трывога, выгаранне, самаацэнка, адносіны, матывацыя, стомленасць, пракрастынацыя.
А ў сваім акаўнце Лізавета тлумачыць, чаму часам людзей пужаюць перамены, нават калі яны іх вельмі хочуць.
Нагадаем: у Алега Гайдукевіча ёсць дзве дачкі. Малодшая Ганна яшчэ вучыцца ў школе. Нядаўна ён расказваў, што малодшая дачка патрабуе ад яго як ад дэпутата дабіцца адмены хатніх заданняў для школьнікаў.
Алег быў у шлюбе з Марыяй Гайдукевіч, дачкой Валянціна Шухно, былога старшыні Дзяржаўнага камітэта па каштоўных паперах. Але ў 2022 годзе Гайдукевіч прызнаўся, што развёўся.
Цяпер чытаюць
Пяць прычын — у тым ліку адна фантастычная, — па якіх беларусам адключылі святло ў гарадах7
Пяць прычын — у тым ліку адна фантастычная, — па якіх беларусам адключылі святло ў гарадах
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»3535
Каментары