Міністэрства абароны Расіі заявіла, што СМІ няправільна інтэрпрэтавалі заяву намесніка камандуючага далёкай авіяцыяй Анатоля Канавалава пра праблемы з ужываннем крылатых ракет у Сірыі.
Пра праблемы з тэхнікай Канавалаў у суботу заявіў у інтэрв'ю «Эхо Москвы».
«Ёсць праблемы з авіяцыйнай тэхнікай, у прыватнасці па ўжыванні крылатых ракет паветранага базіравання. Цяпер мы над гэтым актыўна працуем, і я мяркую, што на працягу бліжэйшага часу, тыя праблемы, якія ўзніклі з ужываннем крылатых ракет паветранага базіравання, мы ліквідуем», — сказаў ён, як сведчыць запіс інтэрв'ю.
Тым не менш у расійскім міністэрстве абароны заявілі, што паведамленні СМІ аб праблемах з крылатымі ракетамі з'яўляюцца «ілжывай інтэрпрэтацыяй» слоў Канавалава.
«Генерал-маёр Канавалаў даслоўна заявіў аб праблемах эксплуатацыі авіяцыйнай тэхнікі, а не крылатых ракет. Больш за тое, папярэдне ім было падкрэслена, што характар гэтых складанасцяў абумоўлены жорсткімі метэаўмовамі», — заявілі ў міністэрстве.
У міністэрстве дадалі, што ўсе задачы па ліквідацыі аб'ектаў былі выкананыя, «што палічылі за лепшае не пачуць у гэтым жа інтэрв'ю Канавалава няўважлівыя журналісты».
Цяпер чытаюць
Стала вядомае імя другой беларускі, якая згінула пад селем у Непале. Гэта 24‑гадовая Ірына з журфака БДУ6
Стала вядомае імя другой беларускі, якая згінула пад селем у Непале. Гэта 24‑гадовая Ірына з журфака БДУ
Электронную «Беларускую энцыклапедыю», створаную як прастору «верагодных ведаў пра Беларусь», ціха ліквідавалі разам з рэдакцыяй. Купу артыкулаў перадалі Гігіну66
Каментары