Прэзідэнт Міжнароднай федэрацыі футбола (ФІФА) Ёзэф Блатэр і кіраўнік Саюза еўрапейскіх футбольных асацыяцый (УЕФА) Мішэль Плаціні адхіленыя ад футбольнай дзейнасці на 8 гадоў. Пра гэта паведамляе прэс-служба ФІФА.
Камітэт ФІФА па этыцы абвясціў, што запэўненне Блатэра пра наяўнасць вуснага пагаднення па плацяжы Плаціні было непераканаўчым і яно было адхілена арбітражнай палатай.
Блатэр і Плаціні зараз маюць права падаць апеляцыю ў Спартыўны арбітражны суд (CAS).
У пачатку кастрычніка камітэт па этыцы ФІФА ў рамках расследавання прыняў рашэнне пра адхіленне прэзідэнта ФІФА Ёзэфа Блатэра і Плаціні ад займаных імі пасад і любой футбольнай дзейнасці на 90 дзён з магчымасцю падаўжэння дыскваліфікацыі, але не больш чым на 45 дзён. Падставай для гэтага рашэння стаў перавод Блатэрам плацяжу ў памеры 2 млн швейцарскіх франкаў са сродкаў ФІФА на рахункі Плаціні ў 2011 годзе.
За некалькі гадзін да абвяшчэння рашэння камітэта па этыцы аб адхіленні Плаціні падаў заяўку на ўдзел у выбарах прэзідэнта ФІФА, якія запланаваны на 26 лютага 2016 года. Пазней выбаркам патлумачыў, што не будзе разглядаць кандыдатуру француза да зняцця ўсіх санкцый.
***
Найбуйнейшы ў гісторыі ФІФА скандал разгарэўся ў канцы мая, калі ў гатэлі ў Цюрыху за два дні да выбараў прэзідэнта арганізацыі па запыце амерыканскага правасуддзя швейцарская паліцыя затрымала сем высокапастаўленых чыноўнікаў арганізацыі па падазрэнні ў карупцыі. Усяго абвінавачванні былі прад'яўленыя 14 былым і дзеючым футбольным чыноўнікам.
Па дадзеных Міністэрства юстыцыі ЗША, за 24 гады яны атрымалі хабару на суму каля 150 млн даляраў. Блатэр на кангрэсе арганізацыі 29 мая быў пераабраны на чарговы тэрмін, аднак праз чатыры дні абвясціў пра сыход у адстаўку на фоне карупцыйных скандалаў.
Цяпер чытаюць
Колькі беларусаў галасавала за Лукашэнку на ранейшых выбарах? Апублікаваныя закрытыя лічбы дзяржаўных апытанняў18
Каментары