Вярхоўны прадстаўнік ЕС па замежных справах і палітыцы бяспекі Магерыні папярэдзіла, што пакаранне шыіцкага прапаведніка Німру ан-Німру ў Саудаўскай Аравіі можа прывесці да небяспечных наступстваў.
Яе заяву 2 студзеня апублікавала замежнапалітычная служба Еўрасаюза.
ЕС заяўляе аб сваёй рашучай апазіцыі да ўжывання смяротнага пакарання незалежна ад абставін.
«Пэўны выпадак шэйха Німру ан-Німру выклікае сур'ёзную занепакоенасць адносна свабоды выказвання меркаванняў і павагі да асноўных грамадзянскіх і палітычных правоў, якія павінны ахоўвацца ў любых выпадках, а таксама ў рамках барацьбы з тэрарызмам», - адзначае Магерыні.
У ЕС лічаць, што гэты выпадак можа прывесці да далейшага распальвання міжрэлігійнай напружанасці, якія ўжо прынесла столькі шкоды ўсяму рэгіёну, з небяспечнымі наступствамі, гаворыцца ў каментары.
Як паведамлялася, улады Саудаўскай Аравіі 2 студзеня выканалі смяротны прысуд над 47 асуджанымі за тэрарызм, сярод якіх апынуўся і аль-Німру.
Пасля пакарання ў краіне пачаліся масавыя пратэсты.
Цяпер чытаюць
Для каго сабраліся будаваць велізарны вантавы мост у Мінску?3
Каментары