Беларусь прыме ў 2018 годзе IV Чэмпіянат свету сярод студэнтаў па канькабежным спорце, паведаміў сёння на прэс-канферэнцыі віцэ-прэзідэнт Нацыянальнага алімпійскага камітэта Беларусі, старшыня Беларускага саюза канькабежцаў Мікалай Ананьеў.
«У 2018 годзе мы прымаем чэмпіянат свету па канькабежным спорце сярод студэнтаў, і я перакананы, што мы даб'ёмся правядзення на нашай пляцоўцы і чэмпіянату свету, паколькі наш канькабежны стадыён адпавядае ўсім патрабаванням, што выстаўляюцца сёння да правядзення такіх спаборніцтваў», — сказаў Мікалай Ананьеў.
Віцэ-прэзідэнт НАК выказаў надзею, што па выніках чэмпіянату Еўропы па канькабежным спорце, які пройдзе ў Мінску 8-10 студзеня, Міжнародны саюз канькабежцаў даверыць Беларусі і правядзенне больш буйных спаборніцтваў, напрыклад, этапаў кубка свету, дзе колькасць удзельнікаў дасягае двухсот чалавек.
Чэмпіянат Еўропы па канькабежным спорце пройдзе ў Мінску 8-10 студзеня ў культурна-спартыўным комплексе «Мінск-Арэна». Гэты міжнародны спартыўны форум праводзіцца ў Беларусі ўпершыню. Прэстыжны турнір збярэ лепшых канькабежцаў і балельшчыкаў з 17 краін, у тым ліку Галандыі, Італіі, Германіі, Нарвегіі, Расіі, Чэхіі. Спартыўны гонар Беларусі даверана адстойваць вядомым спартсменам: Марыне Зуевай, Таццяне Міхайлавай і Віталю Міхайлаву.
Паколькі чэмпіянат праводзіцца ў час калядных свят, у кожны спаборніцкі дзень у будынку веладрома будзе арганізавана работа фан-зоны. Усіх, хто прыйдзе сачыць за барацьбой на лядовых дарожках, чакае вялікае сямейнае святочнае шоу: танцавальныя і вакальныя конкурсы, канцэрт альтэрнатыўнай музыкі, катанне на ролікавых каньках.
У перапынках паміж забегамі можна будзе пакаштаваць стравы беларускай кухні, выпіць гарачы духмяны чай, паўдзельнічаць у розыгрышах, паслухаць каларытную беларускую музыку. Гледачоў чакаюць прыемныя прызы і падарункі.
28‑гадовага авіятара асудзілі на 13 гадоў калоніі: «здрада дзяржаве» за перапіску з аднакурснікамі з УСУ11
28‑гадовага авіятара асудзілі на 13 гадоў калоніі: «здрада дзяржаве» за перапіску з аднакурснікамі з УСУ
Басіст «Пятлі», яго 18‑гадовы сын і зорка «Разбітага сэрца пацана» — расказваем пра беларускамоўны гурт Prypiać, які прэзентаваў аўтарскую «Калыханку»1010
Басіст «Пятлі», яго 18‑гадовы сын і зорка «Разбітага сэрца пацана» — расказваем пра беларускамоўны гурт Prypiać, які прэзентаваў аўтарскую «Калыханку»10
Небарака з Ляхавічаў знік «на СВА» ўжо на трэці дзень, а ў барацьбе за грабавыя счапіліся сястра, сужыцелька і жонка — з чатырма дзецьмі, але чужымі88
Каментары