Паліцыя Кёльна высветліла асобы і дапытала 31 удзельніка нападаў на жанчын у навагоднюю ноч. Як заявіў прадстаўнік МУС Нямеччыны Тобіяс Плятэ, 18 з іх — мігранты, якія чакаюць атрымання статусу ўцекачоў у ФРГ.
Па словах Плятэ, усяго было выяўлена 32 злачынствы, большасць з якіх кваліфікаваныя як рабаванне і нанясенне цялесных пашкоджанняў. Тры напады кваліфікавалі як злачынствы сэксуальнага характару.
Як заявілі ў паліцыі, у нападах удзельнічалі дзевяць выхадцаў з Алжыра, восем — з Марока, пяць іранцаў, чатыры сірыйцы, а таксама два грамадзяніна ФРГ, адзін іракец, адзін серб і адзін грамадзянін ЗША.
Каля ста жыхарак Кёльна і турыстак паскардзіліся на дамаганні і рабаванні, учыненыя ў навагоднюю ноч на прывакзальнай плошчы горада. Па апісаннях відавочцаў, нападу на жанчын здзяйснялі маладыя мужчыны «арабскага або паўночнаафрыканскага» выгляду.
Аж да 8 студзеня паліцыя не знаходзіла падстаў сцвярджаць, што ў ліку тых, хто нападаў былі ўцекачы, якія прыбылі ў ФРГ у 2015 годзе.
Цяпер чытаюць
«Галандскі архітэктар», які адбудаваў Вострую браму і паставіў сабе дом-крэпасць у Гайцюнішках, аказаўся ніякім не галандцам. Але яго спадчына захапляе1010
Каментары