Улады Македоніі абвясцілі аб рашэнні закрыць для мігрантаў мяжу з Грэцыяй, дзе сабралося ўжо каля 600 чалавек.
Паліцыя горада Скоп'е сцвярджае, што падставай для прыняцця такога рашэння сталі тэхнічныя праблемы з цягнікамі ў Славеніі, якая звычайна становіцца для мігрантаў наступным за Македоніяй этапам шляху ўглыб Еўропы.
Паліцыя адзначае, што з-за гэтага мігранты затрымліваюцца ў Македоніі і аказваюць негатыўны ўплыў на жыццё ў краіне. У сувязі з гэтым больш іх прапускаць у краіну не будуць.
Раней у сераду Сербія і Харватыя абвясцілі, што больш не будуць прымаць мігрантаў самі і гатовыя толькі прапускаць скрозь сваю тэрыторыю тых, хто плануе звярнуцца за палітычным прытулкам да ўладаў Аўстрыі і Германіі.
Сама Аўстрыя раней абвясціла аб прыпыненні дзеяння Шэнгенскага пагаднення. Праз мяжу будуць прапускаць толькі тых бежанцаў, у якіх ёсць фармальнае права запытаць у краіне палітычны прытулак.
Акрамя таго, улады Аўстрыі знізілі квоту на прыём мігрантаў на 2016 год. Цяпер яны гатовыя прыняць толькі крыху больш за 37 тысяч чалавек, у той час як за 2015 было зарэгістравана 90 тысяч прашэнняў аб прадстаўленні прытулку.
Цяпер чытаюць
Эйсмант: Лукашэнка не зможа паляцець на Саміт міру ў ЗША, бо паветраная прастора Еўропы для яго закрытая39
Каментары