У Мінску прапрацоўваецца пытанне аб укараненні праязных на грамадскі транспарт на квартал і паўгода. Пра гэта паведаміла намеснік генеральнага дырэктара па эканоміцы дзяржаўнага прадпрыемства «Мінсктранс» Ірына Якубоўская.
«Магчыма, такія праязныя з'явяцца ўжо сёлета», - сказала Ірына Якубоўская.
У другім квартале ў сталіцы плануецца ўкараніць праязныя на суткі, да канца года — пагадзінныя. Ужо ў лютым (дакладная дата пакуль невядомая) праязныя на 10, 15 і 30 дзён можна будзе купіць з любой даты на адзін, два, тры і чатыры віды транспарту з рознымі іх камбінацыямі. Час дзеяння удасканаленага праязнога адлічваецца з моманту актывацыі на валідатары.
У цяперашні час купля праязных білетаў на наземны грамадскі транспарт абмежаваная каляндарным перыядам часу. Напрыклад, праязны на месяц сапраўдны толькі з 1-га, на паўмесяца - з 1-га і з 15-га.
-
Лукашэнка: Час вяртацца да практыкі, калі Беларусь адказвала за Калінінград, Піцер, Маскоўскую вобласць, часткова Маскву
-
«Еўрапейцы зусім не абавязаныя ісці за амерыканцамі». Прадстаўнік прэзідэнта Польшчы пракаментаваў зварот групы беларускіх палітвязняў да лідараў краін Еўропы
-
Лукашэнка расказаў, на каго з расіян падобныя беларусы
Цяпер чытаюць
Адданага ябацьку, які абражаў Святлану Ціханоўскую ў Threads, кінулі за краты21
Каментары