Інструктар адной з аўташкол Віцебска за хабар дапамагаў вучням, якія не жадалі наведваць заняткі, але хацелі атрымаць права кіравання.
За невялікую суму ці прэзенты ў выглядзе бутэлькі каньяку, віскі ці нават меха бульбы выкладчык ставіў у журнале наведвальнасці адзнакі аб прысутнасцi вучняў на занятках, а таксама выстаўляў ім залікі і допускі да іспытаў.
У адной з груп гэтай аўташколы такім чынам чатыры чалавекі, якія не наведвалі практычныя заняткі і не сядзелі за рулём навучальнага аўтамабіля, былі дапушчаныя да экзаменаў у ДАІ.
У выніку прадпрымальны інструктар быў абвінавачаны адразу па двух артыкулах: службовы падлог (частка 1 артыкула 427 КК) і атрыманне хабару (часткі 1 і 2 артыкула 430 КК). Суд прысудзіў хабарніка да чатырох з паловай гадоў пазбаўлення волі з канфіскацыяй маёмасці і пазбаўленнем права займацца выкладчыцкай дзейнасцю тэрмінам на пяць гадоў, паведамляе прэс-служба УУС Віцебскага аблвыканкама.
Цяпер чытаюць
Маўрыкій, Сейшэлы, Шры-Ланка і не толькі: паглядзелі, куды збеглі ад беларускіх маразоў праўладныя артысты і вядучыя6
Каментары