Месца, якое пуставала на працягу пяці гадоў, нарэшце, ажыло: першая вечарынка пройдзе на Харужай, 29 ужо 5 лютага. Тут адкрываецца Rich Cat — начны клуб прэміум-класа, паведамляе relax.by.
Па словах уладальнікаў, новае месца будзе адрознівацца музычным фарматам: pop, r'n'b і mash up будуць гучаць ад «незаезджаных», але папулярных выканаўцаў. Стануць запрашаць альбо зорак, якія пабывалі ў Мінску аднойчы, альбо тых, хто сюды пакуль не прыязджаў. Будзе і жывая музыка, напрыклад, кавер-групы. Абавязковая частка арт-кампаніі — закрытыя і тэматычныя вечарынкі.
Вясной у суседнім памяшканні пачне працаваць кругласутачны бар-кальян, а яшчэ крыху пазней — тэраса, даступная круглы год. Rich Cat стане комплексам з трох месцаў для рознага фармату адпачынку: вячэры на верандзе, «рэлаксу» ў кальяннай і тусоўкі ў клубе.
Інтэр'ер абяцаюць «асвяжаць» раз на 3-4 месяцы: прывозіць новыя дэкарацыі, мяняць каляровыя рашэнні і гэтак далей. Скульптуры котак у клубе выконваюць ролю асноўных элементаў дэкору: яны ў сценах, на сцэне, у зале.
У меню стравы еўрапейскай, японскай і аўтарскай кухні. Усе класічныя пазіцыі па-свойму інтэрпрэтаваныя шэф-поварам. У яго выкананні можна паспрабаваць, напрыклад, салату з морапрадуктамі за 220 тысяч рублёў, стэйк з ялавічыны са спаржай за 280 тысяч, тырамісу за 99 тысяч. Віны будуць каштаваць ад 1,3 да 7 млн за бутэльку, кактэйлі — ад 120 да 350 тысяч.
На ўваходзе будзе строгі фэйс-кантроль: дзяўчат чакаюць у сукенках і на абцасах, хлопцаў — у кашулях. Дзейнічае сістэма лаяльнасці для пастаянных гасцей: карты, якія даюць 15-працэнтную зніжку на стравы і права бясплатна наведваць канцэрты. Для дзяўчат уваход у клуб заўсёды будзе вольным. Хлопцы на адкрыцці заплацяць 300 тысяч, у астатні час уваход ім абыдзецца ў 200 тысяч.
На адкрыцці 5 лютага ў Rich Cat абяцаюць выступы ілюзіяніста, шоў-балета, паветраных гімнастаў, go-go танцорак, музыкаў і папулярных у Еўропе Dj.
Цяпер чытаюць
«У выніку ён сказаў мне: «Хопіць мяне шантажаваць, я хачу палюбавацца гэтымі дрэвамі». Аксана Колб расказала, пра што размаўляла са Статкевічам на мяжы88
Каментары