Улады Еўрасаюза дамовіліся з Лонданам аб тым, што Вялікабрытанія застанецца ў складзе ЕС, паведаміў у сваім мікраблогу старшыня Еўрарады Дональд Туск.
Паводле яго слоў, пагадненне было падтрымана аднагалосна.
Першай аб дасягненні дамоўленасці напісала прэзідэнт Літвы Даля Грыбаўскайце.
«Пагадненне #UKinEU [Вялікабрытанія ў ЕС] дасягнутае», — паведаміла Грыбаўскайце ў сваім мікраблогу.
Затым інфармацыю пацвердзіў чэшскі прэм'ер-міністр Багуслаў Саботка, назваўшы здзелку «годным кампрамісам».
Прэм'ер-міністр Вялікабрытаніі Дэвід Кэмеран паведаміў, што дамовіўся з Брусэлем аб асаблівым статусе Вялікабрытаніі ў ЕС. Умовы ўгоды будуць прадстаўленыя кабінету міністру пазней, дадаў ён.
Кэмеран патрабаваў ад ЕС рэформаў і пагражаў выхадам краіны з Еўрасаюза ў тым выпадку, калі яго патрабаванні не будуць пачутыя.
Брусель арганізаваў з Лонданам перамовы, на якіх абмяркоўваліся чатыры галоўныя спрэчныя пытанні:
- Вызваленне Вялікабрытаніі ад больш цеснай інтэграцыі з Еўрапейскім саюзам і наданне нацыянальным парламентам больш шырокіх паўнамоцтваў.
- Абмежаванне доступу мігрантаў з ЕС да падатковых ільгот і дапамог.
- Абарона ўнутранага рынку краін, якія не ўваходзяць у еўразону, у тым ліку Вялікабрытаніі.
- Павышэнне канкурэнтаздольнасці.
Рэферэндум па пытанні далейшага сяброўства Вялікабрытаніі ў складзе ЕС плануецца правесці 23 чэрвеня.
Цяпер чытаюць
Як асабістая доктарка Лукашэнкі вучыць беларусаў цаніць радзіму, а сама скупляе люкс і адпачывае на Блакітным Беразе ШМАТ ФОТА45
Як асабістая доктарка Лукашэнкі вучыць беларусаў цаніць радзіму, а сама скупляе люкс і адпачывае на Блакітным Беразе ШМАТ ФОТА
На Афоне адшукалі тры невядомыя раней асобнікі Астрожскай Бібліі. Для яе стварэння друкар Іван Фёдараў, выхадзец з Беларусі, выкарыстоўваў тэксты Скарыны44
Каментары