На полацкім заводзе траціну заробку будуць выдаваць мясам і малаком
Чытач сайта charter97.org даслаў у рэдакцыю дакумент, якім віцебскі канцэрн «Мясамалочныя прадукты» абавязаў Полацкі малочны камбінат выплачваць не менш за 30% заробку работнікам сваёй прадукцыяй.
«Выплачваць заробак у 2016 годзе натуральнай аплатай (змешаная форма аплаты) у суме не менш за 30% ад налічанага фонду заробку», — сказана ў дакуменце.
Асаблівага выбару ў полацкіх работнікаў мясцовай «малочкі» не будзе — дакумент носіць загадны характар, і пераход на натуральную форму аплаты працы прапішуць у кантрактах з работнікамі.
Намеснік дырэктара ААТ «Полацкі малочны камбінат» Віктар Генец пацвердзіў, што неўзабаве работнікам прымусова давядзецца пакідаць траціну заробку ў фірмовай краме завода. Праўда, сам ён нічога дрэннага ў гэтай навіне не бачыць і нават рады, што «не давядзецца хадзіць у іншыя крамы».
«Не разумею, што ў гэтым дрэннага? Захацеў нешта купіць — пайшоў у нашу краму затаварыўся. Не трэба будзе ў іншыя крамы ездзіць, шукаць нешта. Усё сваё, усё выдатнай якасці. Пра якую дыскрымінацыю можа быць гаворка?» — здзіўляецца намеснік дырэктара.
Дакумент прапісвае яшчэ адну навіну не на карысць работнікаў. Заробак ім цяпер будуць выдаваць у апошні дзень месяца, што ідзе за разліковым месяцам. Так, напрыклад, заробак за люты работнікі ўбачаць толькі ў самым канцы сакавіка.
Цяпер чытаюць
Слесар з Оршы бегаў ад войска на радзіме, каб пасля памерці за Пуціна. Перад адпраўкай на забой для яго закацілі дыскатэку з афрыканцамі21
Слесар з Оршы бегаў ад войска на радзіме, каб пасля памерці за Пуціна. Перад адпраўкай на забой для яго закацілі дыскатэку з афрыканцамі
Пасол Украіны па пытаннях Беларусі адказаў на дыскусію Вячоркі і крытыкаў Ціханоўскай: Ваша ўзаемная непрымальнасць адыгрывае вельмі неканструктыўную ролю4949
Каментары