Індэкс цэн на тавары і паслугі ў лютым 2016 года ў параўнанні са студзенем 2016-га вырас на 2,9%, са снежнем 2015 года — на 4,8%, паведаміў Нацыянальны статыстычны камітэт.
Базавы індэкс спажывецкіх цэн, які выключаў змяненне цэн на асобныя тавары і паслугі, што зведваюць уплыў фактараў адміністрацыйнага і сезоннага характару, у лютым 2016 года ў параўнанні са студзенем вырас на 1,6%, са снежнем 2015 года — на 3,1%.
У лютым гэтага года ў параўнанні са студзенем цэны на харчовыя тавары выраслі ў сярэднім на 2,1%, нехарчовыя тавары — на 1,4%, паслугі — на 7,5%, да снежня 2015-га — на 3,6%, 2,6% і 11,8% адпаведна.
Нагадаем, прагноз інфляцыі на 2016 год складае не больш за 12%. На думку міністра эканомікі Уладзіміра Зіноўскага, якую ён выказаў 14 студзеня ў інтэрв'ю тэлеканалу «Беларусь 1», інфляцыя ў Беларусі ў 2016 годзе будзе двухзначнай. Бюджэт Беларусі на 2016 год разлічаны зыходзячы з цаны на нафту 50 долараў за барэль і курсу 63 расійскіх рубля за долар, адзначыў ён. «Калі барэль нафты на сённяшні дзень амаль 30 долараў каштуе і курс расійскага рубля за 75 да долара, мы разумеем, што тая інфляцыя, якую мы прагназавалі пры іншых курсах на 2016 год, наўрад ці можа спраўдзіцца. На сённяшні дзень мы можам гаварыць смела, што інфляцыя будзе двухзначнай лічбай. Якая яна будзе — 14%, 15%, складана пакуль сказаць, мы робім пэўныя разлікі», — заявіў міністр. Разам з тым, на думку кіраўніка Мінэканомікі, інфляцыя ў 2016 годзе не будзе большай за 17—18%.
«Думаю, пры любым раскладзе такая інфляцыя не будзе. Урад працуе разам з Нацыянальным банкам, каб так і было», — адзначыў Зіноўскі.
Цяпер чытаюць
«Галоўнае не забываць падзараджаць не толькі тэлефон, але і сябе самога». Як украінскі вайсковец жыве з двума электрастымулятарамі. І што ў яго з сэксам?
«Галоўнае не забываць падзараджаць не толькі тэлефон, але і сябе самога». Як украінскі вайсковец жыве з двума электрастымулятарамі. І што ў яго з сэксам?
«Галандскі архітэктар», які адбудаваў Вострую браму і паставіў сабе дом-крэпасць у Гайцюнішках, аказаўся ніякім не галандцам. Але яго спадчына захапляе88
«Галандскі архітэктар», які адбудаваў Вострую браму і паставіў сабе дом-крэпасць у Гайцюнішках, аказаўся ніякім не галандцам. Але яго спадчына захапляе8
Таццяна Заміроўская першы раз за 11 гадоў вярнулася з ЗША ў Еўропу. Многія манеры, звычкі і нават птушкі, якіх мы не прыкмячаем, выклікалі ў яе буру ўспамінаў1010
Каментары