Павольна сыходзьце, не паварочваючыся да яго спінай. Пад Асіповічамі заўважылі вялікага мядзведзя
Мядзведзь памерам са стог сена. Мясцовых жыхароў заклікаюць да асцярожнасці.
Фота: Асіповіцкі доследны лясгас
У ваколіцах аграгарадка Ліпень Асіповіцкага раёна на палях быў заўважаны вялікі мядзведзь. У сувязі са з'яўленнем драпежніка Асіповіцкі доследны лясгас звярнуўся з папярэджаннем да мясцовых жыхароў і заклікаў выконваць меры бяспекі.
Ляснічыя рэкамендуюць устрымацца ад адзіночных прагулак па ўскраінах палёў і ў лясных масівах, а таксама пазбягаць участкаў з высокай травой.
У выпадку сустрэчы са зверам катэгарычна забараняецца набліжацца да яго ці спрабаваць зрабіць фота — трэба павольна адыходзіць назад, не паварочваючыся да мядзведзя спінай.
Каментары
Вось ужо гэтыя дзеці асфальтабетону! )))