Цэнтр Мінска зноў прыцягвае да сябе ўладальнікаў рэдкіх аўтамабіляў. Гэтым разам рэдкую машыну заўважылі ў гістарычным раёне каля будынка № 9 па вуліцы Карла Маркса, піша Blizko.by.
У аб'ектыў трапіў класічны амерыканскі аўтамабіль Mercury Eight Convertible Sedan (прыблізна 1940 года выпуску), які вылучаецца элегантным рэтра-дызайнам. Аўтамабіль часта трапляў у кіно — напрыклад, на ім ездзілі сябры героя Джона Траволты з мюзікла «Брыялін».
Кошт Mercury Eight Convertible Sedan на сусветным рынку калекцыйных аўто звычайна складае ад 25 тысяч да 60 тысяч даляраў, у залежнасці ад стану, а рэдкія адрэстаўраваныя экзэмпляры або кастамы могуць перавышаць 95—160 тысяч даляраў.
Дарэчы, гэта не першы амерыканскі аўтамабіль саракавых гадоў, які бачылі ў беларускай сталіцы. Раней на той жа вуліцы заўважылі рэтра-мадэль DeSoto Custom 1946 года выпуску. Аднак, у адрозненне ад свайго «брата», той аўтамабіль быў хутчэй музейным аб'ектам, а ягоны гаспадар збіраў грошы на яго аднаўленне.
Цяпер чытаюць
У Мінску прадаюць дом на вадзе. Колькі просяць за незвычайны аб'ект на Чыжоўскім вадасховішчы?3
Каментары