Панікі на тварах людзей у Брусэлі няма, на вуліцах горада пануе звычайная атмасфера, нягледзячы на выбухі ў аэрапорце і дзвюх станцыях метро. Пра гэта ў размове з Еўрарадыё паведаміў старшыня партыі БНФ Аляксей Янукевіч, які сёння знаходзіцца з візітам у Брусэлі:
«Цяпер на вуліцах Брусэля звычайны трафік. Раніца, дастаткова шчыльны рух. Можа быць крыху больш шчыльны, чым звычайна. Магчыма, крыху больш па дарозе мы бачылі сірэнаў. Крыху больш інтэнсіўны рух паліцэйскіх у горадзе».
Янукевіч кажа, што апошнімі днямі ў горадзе і так быў павышаны ўзровень бяспекі. Паўсюль былі бачныя праваахоўнікі з аўтаматамі, нават вайсковыя патрулі. Разам з тым, старшыня БНФ дадае, што панікі на вуліцах няма:
«На тварах людзей не бачна панікі. У тым квартале, дзе наш гатэль — шмат кавярняў. І калі мы выходзілі, мы бачылі, што ўсе людзі глядзяць жывыя навіны, натуральна, гэта прыцягнула вялікую ўвагу людзей. Аднак, казаць пра паніку не выпадае».
-
На Беласточчыне прайшоў фестываль беларускай традыцыі Soncahraj ФОТЫ
-
Жонка Аляксандра Мілінкевіча расказала пра ягоны стан: памяць захавалася, але з рухальным апаратам вялікія праблемы
-
«Я ў калоніі быў больш вольны». Былы палітвязень Тамаз Піпія расказаў пра 6 гадоў за кратамі і новую паранаідальную беларускую рэальнасць
Каментары