Hayastannews.com: «Падраздзяленне азербайджанскай арміі, у складзе якога пяць танкаў, трапіла ў акружэнне на паўночна-ўсходнім напрамку лініі фронту, паведамляе «Інтэрфакс» са спасылкай на крыніцы ў сілавых структурах непрызнанай Нагорна-Карабахскай Рэспублікі (НКР).
«Дзякуючы ўмелым дзеянням арміі абароны НКР, на паўночна-ўсходнім напрамку ў Мардакерцкім раёне утварыўся «кацёл», у якім апынуліся пяць танкаў азербайджанскіх ўзброеных сіл. Прымаюцца меры па іх захопу альбо знішчэнню», — сказаў адзін з суразмоўцаў агенцтва.
Паводле яго, напружанасць захоўваецца на паўночна-ўсходнім і паўднёва-ўсходнім напрамках лініі супрацьстаяння. «Падраздзяленні карабахскай арміі ажыццяўляюць меры па вяртанні шэрагу пазіцый, захопленых азербайджанскімі войскамі ў раёне Джабраіла», — адзначыла крыніца.
Акрамя баёў, якія ідуць на перадавой, артылерыя Азербайджана нанесла ўдары па мірных населеных пунктах. Паводле аператыўных звестак НКР, прыблізна а 08:30 у напрамку абарончых пазіцый Мартуні пасля абстрэлу з устаноўкі «Град» быў забіты Вагінак Татулавіч Грыгаран, двое дзяцей параненыя. У паведамленні МА НКР гаворыцца: «Па стане на дадзены момант на ўсёй лініі судакранання паміж Азербайджанам і НКР ідуць гарачыя сутыкненні. Авангард НКР прыняў на сябе ўдар і вядзе надзейныя абарончыя баі».
Па аператыўных звестках НКР, збітыя 2 верталёты, якія атакавалі армянскія пазіцыі, падбіты танк і беспілотнік.
Пасля аднаўлення канфлікту, калі ў ноч з 1 па 2 красавіка УС Азербайджана распачалі правакацыйныя дзеянні па ўсёй лініі судакранання з Нагорным Карабахам, на дадзены момант у армянскага боку 18 ахвяр і каля 35 параненых. У ходзе баявых дзеянняў у ноч з 1 на 2 красавіка і на працягу ўсяго дня азербайджанская армія страціла больш за 200 ваеннаслужачых, паведамляюць у сілавых структурах непрызнанай Нагорна-Карабахскай Рэспублікі».
Апытанка
Цяпер чытаюць
«Жэня пагадзіўся на будоўлю, а не ваяваць. І толькі калі выйдзе з запою!»: як прадалі ў расійскую армію жыхара Лёзна. Ахвяра не адна7
Каментары