У «Газпрам цэнтры» патлумачылі, адкуль у недабудаваным хмарачосе ўзяўся гатовы офіс з вазонамі
У канцы мінулага тыдня мінчане заўважылі анамалію на будаўнічай пляцоўцы шматпакутнага «Газпрам цэнтра». На адным з паверхаў шматпавярховіка раптам закіпела жыццё. Нават з’явілася святло ў вокнах. І гэта ў будынку без камунікацый.

За панарамным шклом з’явіўся гатовы інтэр'ер — з падвеснымі столямі, пафарбаванымі сценамі, дывановым пакрыццём, сталамі, крэсламі і нават жывымі раслінамі ў кадках. Пры гэтым паверхі вышэй і ніжэй застаюцца абсалютна пустымі бетоннымі скрынкамі.
Як пісалі ў Threads, за вокнамі бачылі таксама людзей у дзелавых гарнітурах.

Гараджане тут жа пачалі будаваць тэорыі: ад здымак кіно да паўтарэння грузінскага досведу, калі ніжнія паверхі будынка пачынаюць працаваць яшчэ да завяршэння будаўніцтва ўсяго аб'екта.
Пры гэтым блогер Дзяніс Блішч, які апублікаваў здымкі, дадаў, што ніякіх камунікацый у вежы пакуль няма.

Прэс-служба кампаніі «Газпрам трансгаз Беларусь» патлумачыла Onlíner, што насамрэч адбываецца за шклом.
«Падрадчык будаўніцтва прадставіў заказчыку варыянты аздаблення тыповага офіса. Гэта пацвярджае намер бакоў здаць у эксплуатацыю комплекс у тэрмін — у канцы 2027 года», — адказалі там.
Такім чынам, мінакі пабачылі дэманстрацыйны офіс, які ўзвялі на будоўлі, каб зацвердзіць фінальны дызайн унутраных памяшканняў.
-
Жыццё па падпісцы. У «Паўночным Беразе» скардзяцца на платную падпіску, патрэбную, каб карыстацца ўсімі функцыямі жыллёвага комплексу
-
«Цяпер я здаю 41 кватэру ў Мінску і хачу вырасці да 100 кватэр». Беларус расказаў пра бізнэс на кароткатэрміновай арэндзе жылля
-
Самая танная кватэра — 222 тысячы рублёў. МАПІД прапанаваў кватэры ў «Сонечным» для ўсіх ахвотных
Цяпер чытаюць
Праектавалі кароўнікі і акумулятарны завод, а цяпер узяліся за барока. З велічнага езуіцкага калегіума ў Пінску збіраюцца збіць увесь тынк — а ён быў распісаны фрэскамі
Каментары
А яшчэ яму перашкаджаюць змагары.
І што там на раён бачны? Усход на праспекце?