Больш за 200 чалавек атрымалі раненні ў выніку выбуху ў цэнтры Кабула і былі дастаўлены ў бальніцы, паведаміў прадстаўнік міністэрства аховы здароўя Афганістана Махамад Ісмаіл Кавасі.
Дакладная колькасць загінулых застаецца невядомай. Па словах прадстаўніка міністра ўнутраных спраў Афганістана Седзіка Седзікі загінулі некалькі дзясяткаў чалавек.
Седзікі таксама паведаміў, што смяротнік падарваў аўтамабіль. Ён дадаў, што двое саўдзельнікаў нападніка, магчыма, яшчэ аказваюць супраціў. Паведамляецца, што ў раёне здарэння чутная страляніна.
Раней паведамлялася, што выбух адбыўся пасля таго як трое ўзброеных людзей увайшлі ва ўрадавы будынак у цэнтры горада, якое выкарыстоўваецца адной з мясцовых спецслужбаў. Паведамляецца, што ў выніку выбуху былі выбітыя шыбы ў суседніх будынках, а гук ад выбуху быў чутны ва ўсім горадзе.
Напад адбыўся ў ранішні час пік у раёне, непадалёк ад якога знаходзіцца міністэрства абароны краіны і вайсковыя комплексы.
Адказнасць за напад узяў на сябе экстрэмісцкі рух Талібан.
Выбух здарыўся праз некалькі дзён, пасля таго як афганскія талібы абвясцілі пра пачатак вясновага наступу.
Цяпер чытаюць
Беларуская і расійская арміі на беларускай тэрыторыі трэніруюцца наносіць ядзерны ўдар20
Беларуская і расійская арміі на беларускай тэрыторыі трэніруюцца наносіць ядзерны ўдар
«Узнікаюць уяўленні, што палітвязні мусяць быць стойкімі, сабранымі, удзячнымі. А рэальнасць розная». Пагаварылі з людзьмі, якія водзяць дэпартаваных літаральна за руку44
Каментары