Абама ў Германіі: Захад павінен працягваць палітыку санкцый у дачыненні да Расіі
Прэзідэнт ЗША Барак Абама, выступаючы ў Гановеры ў панядзелак падкрэсліў, што краіны Захаду павінны і надалей прытрымлівацца палітыкі эканамічных санкцый у дачыненні да Расіі да таго часу, пакуль Масква ў поўнай меры не выканае мінскія пагадненні.
РФ парушыла суверэнітэт Украіны, указаў ён, абвінаваціўшы расійскія ўлады ў вядзенні міжнароднай палітыкі запалохвання.
«Сапраўдная веліч» выяўляецца не ў запалохванні, а ў сумеснай працы. У той жа час прэзідэнт ЗША падкрэсліў, што «хоча добрых адносін з Расіяй і многае ўклаў у іх».
У святле шматлікіх глабальных пагроз Вашынгтону хацелася б бачыць свабодную і аб'яднаную Еўропу, якая працягне выступаць за мір і росквіт чалавецтва, заявіў амерыканскі лідар.
Ён заклікаў краіны Еўрапейскага Саюза падзяліць цяжар адказнасці за сітуацыю ў сферы бяспекі на кантыненце. «Еўропа часцяком спачывае на лаўрах там, дзе справа тычыцца яе ўласнай абароны», — мяркуе Абама.
Ён заклікаў саюзнікаў НАТА павялічыць выдаткі на абарону да двух працэнтаў ад ВУП.
У чым прычына незадаволенасці жыхароў мікрараёна Лебядзіны ў Мінску? Вось што насамрэч там планавалі будаваць6
Каментары