Прадстаўнікі расейскага байкерскага клюбу «Начныя ваўкі» ў рамках свайго мотапрабегу «Дарогамі Перамогі» дабраліся да Прагі.
Тут актывісты сустракалі іх, зладзіўшы жывы «калідор ганьбы».
На праскай вуліцы актывісты са сьцягамі Ўкраіны, ЗША, Эўразьвязу і NATO скандавалі «Ганьба!», «Гэць!» у бок калёны матацыклістаў.
Нехта выкрыкваў «Далоў акупантаў!», «Чамадан! Вакзал! Расея!».
Байкеры ў адказ сыгналілі і ехалі далей.
Прабег расейскіх байкераў з клюбу «Начныя ваўкі» па маршруце Масква — Бэрлін праходзіць штогод. Гэтай акцыяй, як сьцьвярджаюць байкеры, яны імкнуцца адзначыць сьвята «перамогі над нацызмам».
Лідэр «Начных ваўкоў» Аляксандар Залдастанаў па мянушцы «Хірург» — сябар расейскага прэзыдэнта Уладзімера Пуціна.
Залдастанаў уваходзіць у пералік асобаў, на якіх распаўсюджваюцца санкцыі ЗША і Канады, уведзеныя з-за расейскай анэксіі ўкраінскага Крыма.
Цяпер чытаюць
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары