На працягу двух гадоў правядзення АТА баевікі сумесна з расійскімі ваеннымі забілі каля 10 тысяч украінцаў, яшчэ 20 тысяч грамадзян атрымалі раненні.
Пра гэта ў панядзелак заявіў першы намеснік сакратара РНБА Міхаіл Коваль, перадае Укрінфарм.
Такую заяву ён зрабіў падчас пасяджэння Міжпарламенцкай асамблеі Вярхоўнай Рады Украіны, Сейма Літоўскай Рэспублікі, Сейма і Сената Рэспублікі Польшча.
«Ужо больш за два гады наша краіна з'яўляецца мэтай расійскай агрэсіі. За гэты час баевікі і іх расійскія гаспадары забілі 10 тысяч украінцаў, больш за 20 тысяч паранена», — сказаў ён.
Акрамя таго, Коваль нагадаў, што каля 2 мільёнаў грамадзян Украіны былі вымушаныя часова пакінуць свае дамы.
Каментары