НАТА «мініруе» Балтыку вучэбнымі мінамі са стратэгічных бамбардзіроўшчыкаў
Два стратэгічныя бамбардзіроўшчыкі B-52H Stratofortress удзельнічаюць у маштабных вучэннях BALTOPS 2016 і скінуць з паветра вучэбныя міны Mk 62 QuickStrike, паведамляе афіцыйны сайт ВПС ЗША.
Марскія міны могуць быць выкарыстаныя ў выпадку агрэсіі з боку Расіі, каб заблакаваць выхад баявых караблёў з расійскай ваенна-марской базы ў Калінінградзе ці падыходы да ўзбярэжжа краін Балтыі.
Міны Mk 62 QuickStrike - варыянт 500-фунтовай (227-кг) амерыканскай авіябомбы М 82, пераробленай у марскую міну, якую можна скідваць у мора з вялікай вышыні. Маюць магнітна-сейсмічныя ці магнітна-сейсмічна-ціскавыя дэтанатары.
Аперацыя праводзіцца ў супрацоўніцтве з галандскім тральшчыкам Vlaardingen, піша французскі сайт meretmarine.com.
Марскія вучэнні BALTOPS 2016 праводзяцца амаль адначасова з маштабнымі наземнымі і паветранымі вучэннямі НАТО ў Усходняй Еўропе. У BALTOPS 2016 прымаюць удзел больш за 6 тысяч вайскоўцаў, 49 караблёў, падводныя лодкі, 69 самалётаў.
«Запускайце далей салюты, а я выклічу міліцыю». Беларусы спрачаюцца пра забарону на феерверкі2
Каментары