На наступным тыдні адбудзецца вялікі акустычны канцэрт групы, а ў гэтую сераду на Netradio Hot цягам цэлай гадзіны з 23:00 будуць гучаць выключна песьні N.R.M.
Тым, хто зь нейкіх прычынаў ня здолее трапіць на гэтую імпрэзу першая прафэсійная радыёстанцыя байнэту Netradio пры падтрымцы ТГ рыхтуе немалую прыемнасьць — жывую трансляцыю гэтага канцэрту на сваім канале Netradio Live. А ўжо 21 траўня на іншым канале — Netradio Hot цягам цэлай гадзіны з 23:00 будуць гучаць выключна песьні N.R.M.
Вялікі акустычны канцэрт гурта N.R.M. мае адбыцца 29 траўня ў КЗ «Мінск» у 19:00. З гэтага ж часу пачнецца яго жывая трансьляцыя на Netradio.by.
«Мы вельмі зацікаўленыя ў трансьляцыі жывых канцэртаў нашых рок‑зорак, — тлумачыць кіраўнік гэтага праекту Глеб Марозаў. — Таму зразумела, што не маглі абысьці ўвагаю гэтую цікавую імпрэзу».
Netradio мела трансьляваць 26 траўня і цікавы фольк‑фэст «World Music Tree» зь Віцебску. Але адны зь яго ўдзельнікаў — гурт «Троіца» — выступілі супраць он‑лайну.
«Мы маем ня вельмі станоўчы досьвед падобных трансьляцыяў у Польшчы, таму лічым, што да такой падзеі трэба рыхтавацца адмыслова і грунтоўна», — патлумачылі ТГ сваю адмову ўдзельнікі этна‑трыё.
Што да N.R.M., то музыкі з радасьцю пагадзіліся на жывую трансьляцыю з КЗ «Мінск». «Чым болей нас пачуюць, тым лепей», — кажуць музыкі.
Тым часам ужо 21 траўня на канале Netradio Hot цягам гадзіны — з 23:00 да 0:00 — у межах аўтарскай праграмы Сяргея Будкіна «Беларуская раскладка» будуць гучаць выключна творы гурта Лявона Вольскага — галоўныя гіты, рарытэтныя запісы, іхнія кавэры ды кавэры на іх.
Каментары