У бібліятэцы імя Маякоўскага ў Санкт-Пецярбургу правялі ператрусы супрацоўнікі ФСБ са службы па абароне канстытуцыйнага ладу і барацьбе з тэрарызмам.
Пра гэта паведаміў тэлеканалу «Дождж» у нядзелю, 26 чэрвеня, намеснік дырэктара бібліятэкі па сувязях з грамадскасцю Мікалай Салоднікаў, у дачыненні да якога, паводле яго слоў, можа быць заведзеная справа аб растраце буйной сумы дзяржаўных сродкаў.
Пры ператрусах, якія прайшлі 23 чэрвеня, былі канфіскаваныя частка тэхнікі і дакументы. Пасля Салоднікава, паводле яго слоў, папрасілі напісаць заяву аб звальненьні па ўласным жаданні. Ён з'яўляецца заснавальнікам праекта «Адкрытая бібліятэка», у рамках якога праходзіць штомесячнае дыскусійнае мерапрыемства «Дыялогі».
«Дыялогі» могуць працягнуць працу за мяжой
Салоднікаў паведаміў, што праект больш не будзе праходзіць у бібліятэцы Маякоўскага, патлумачыўшы гэта «нежаданнем і ціскам пэўнага роду службаў і структур, якія на працягу ўжо паўтара года спрабуюць растлумачыць, што мерапрыемствы, якія мы праводзім, вельмі непажаданыя для бібліятэкі і горада». Разам з тым Салоднікаў не выключыў, што «Дыялогі» працягнуць працу за мяжой.
Публічныя дыскусіі па актуальных грамадска-палітычных тэмах «Дыялогі» праходзілі ў бібліятэцы штомесяц з 2014 года. У іх бралі ўдзел дзеячы культуры, палітолагі і журналісты.
-
Прэм'ер Літвы: Санкцыі супраць Расіі і Беларусі павінны быць хаця б рэгіянальнымі, нацыянальныя без толку
-
Гламурны космас. Джэф Безас адпраўляе сёння ў космас сваю нявесту і яшчэ пяць жанчын
-
Кыргызстан уручыў ноту пратэсту расійскаму паслу пасля аблавы і жорсткага збіцця сваіх грамадзян у маскоўскай лазні
Цяпер чытаюць
Хто такі Мацвей Бяляй, якога нібыта дэпартавалі ў Беларусь? Расказваем гісторыю дзіўнага актывіста з падазроным мінулым6
Каментары