Міністэрства замежных спраў Аб'яднаных Арабскіх Эміратаў распаўсюдзіла заклік да жыхароў устрымацца ад нашэння традыцыйнага мужчынскага касцюма за мяжой.
Нагодай для рэкамендацыі стаў інцыдэнт, які адбыўся ў ЗША ў канцы чэрвеня, калі бізнэсмена з ААЭ затрымалі па падазрэнні ў сувязях з «Ісламскай дзяржавай».
Па паведамленнях мясцовай прэсы, супрацоўніца гасцініцы ў штаце Агаё патэлефанавала ў службу 911, калі мужчына, апрануты ў традыцыйны для ААЭ касцюм — доўгую белую сукенку і галаўны ўбор, — увайшоў у фае. Па словах супрацоўніцы гасцініцы, мужчына здаўся ёй падазроным, таму што ў яго было два тэлефоны, падобныя на «аднаразовыя» (такімі ў ЗША часта карыстаюцца злачынцы).
На выклік прыбылі супрацоўнікі паліцыі, якія павалілі бізнэсмена на падлогу, начапілі на яго кайданкі і павялі. У ходзе затрымання мужчына атрымаў траўмы. Зброі пры ім не знайшлі. Супрацоўніца гасцініцы пасля прызналася, што ніякіх заяў аб ІД арабскі бізнэсмен не рабіў. У паліцыі здарэнне назвалі непаразуменнем.
Каментары