Прадзюсарцы было ўсяго 57 гадоў. Самым паспяховым яе праектам быў спявак Дзядзя Ваня. Артыст жа і паведаміў пра смерць Іны.
Дзядзя Ваня апублікаваў у інстаграме агульнае чорна-белая фота з Інай Радаевай і напісаў: «Сёння 21.01.2026, яе не стала а 19:30. Разам з табой мы многае прайшлі, пачынаючы з 2006 года, яшчэ да «Новай хвалі». Было шмат усяго рознага. Ты пражыла цікавае і па-сапраўднаму рок-н-рольнае жыццё!!! Шкада, што ты спынілася так рана. Яшчэ столькі ўсяго магло б быць… Спадзяюся, цябе сустрэне стары Ozzy. Шкада, што не паспелі проста развітацца напаследак. Шмат чаго яшчэ не паспелі… Беражыце сябе і сваіх блізкіх, пакуль яны побач. Бывай, дружа! Бывай, Інка… Заўсёды «твой артыст» Дзядзя Ваня».
У свой час Іна скончыла музычную вучэльню імя Глінкі і музычна-педагагічны факультэт БДПУ імя Танка. Але ж сама выступаць на сцэне не захацела — выбрала іншы шлях і стала дапамагаць іншым заззяць зоркамі на эстрадзе.
Інна Радаева актыўна займалася прадзюсіраваннем. Самы паспяховы яе праект — спявак Дзядзя Ваня. Акрамя гэтага, Іна была музычнай эксперткай на расійскім Першым канале, дапамагала артыстам рыхтавацца да папулярных тэлевізійных праектаў як «Голас», «Голас. Дзеці», «Бітва талентаў», «Новая хваля».
У яе была свая вакальная студыя «М.І.Р.», дзе Іна была выкладчыцай разам са сваёй дачкой Тамарай.
«Мае спінагрызы са мной». Ціханоўская расказала, што ўжо выбірае для дзяцей школу ў Варшаве12
Каментары
[Зрэдагавана]