Гродзенская СШ№32 і школа з амерыканскага Сакрамента (Каліфорнія) будуць шчыльна супрацоўнічаць у сферы выкладання беларускай мовы. Пра гэта паведаміла намеснік старшыні Гродзенскага гарвыканкама Зоя Кулеша.
Аб развіцці супрацоўніцтва паміж навучальнымі ўстановамі ў Беларусі і ЗША стала вядома па выніках сустрэчы з кіраўніцтвам Гродзенскага гарвыканкама дырэктара школы з амерыканскага горада Сакрамэнта - ураджэнкі Беларусі Ларысы Ганчар.
Яна адзначыла, што сем'і выхадцаў з Беларусі зацікаўленыя ў тым, каб іх дзеці ведалі родную мову.
«Імпульс супрацоўніцтву надаў візіт старшыні Гродзенскага гарвыканкама Мечыслава Гоя ў ЗША. Ён наведаў школу, перадаў навучальнай установе камплект падручнікаў на беларускай мове. Сёння і мы, і прадстаўнікі школы ў Сакрамента зацікаўлены ў развіцці супрацоўніцтва ў гэтым напрамку», - адзначыла Зоя Кулеша.
Цяпер чытаюць
«Я асасін, бл*!» Эксперт-юрыст з СТБ неадэкватна паводзіў сябе на Зыбіцкай. Відэа сабрала мільёны праглядаў — хто ён13
Каментары