Бразільская паліцыя арыштавала баксёра зборнай Марока па абвінавачванні ў сэксуальных дамаганнях да дзвюх жанчын у Алімпійскай вёсцы ў Рыа-дэ-Жанейра.
Хасан Саада. Фота media1.s-nbcnews.com.
«Па дадзеных следства, 3 жнiўня спартсмен напаў на дзвюх бразільскіх пакаёвак, якія працавалі ў Алімпійскай вёсцы», — цытуе Франс пресс заяву паліцыі.
Мясцовыя СМІ паведамляюць, што 22-гадовы Хасан Саада выклікаў у нумар пакаёвак і пачаў да іх прыставаць.
Суд вынес пастанову аб затрыманні спартсмена на 15 дзён для правядзення расследавання.
Пры гэтым першы бой Саады супраць спартсмена з Турцыі павінен быў прайсці ў суботу.
На сайце Міжнароднай федэрацыі бокса Саада згаданы як «пачатковец на міжнароднай арэне», які выйграў два юнацкія тытулы ў Марока.
Цяпер чытаюць
«Больш за 10 чалавек выехалі ў Еўропу — і гэта толькі з майго аддзялення». Рэаніматолаг з райцэнтра шчыра апісаў будні беларускай медыцыны26
Каментары