Апублікаваны спіс арганізацый, у якіх грамадзяне змогуць праходзіць альтэрнатыўную службу
Пастановай Міністэрства працы і сацыяльнай абароны Беларусі № 24 ад 31 мая зацверджаны пералік арганізацый, у якіх грамадзяне змогуць праходзіць альтэрнатыўную службу. Учора гэты дакумент быў апублікаваны на Нацыянальным прававым інтэрнэт-партале і набыў моц.
У пераліку — 371 арганізацыя ва ўсіх абласцях краіны і Мінску. У асноўным гэта бальніцы, анкалагічныя дыспансеры, псіханеўралагічныя дыспансеры, дамы-інтэрнаты для састарэлых і інвалідаў, цэнтры сацыяльнага абслугоўвання насельніцтва, прадпрыемствы ЖКГ, сельскагаспадарчыя прадпрыемствы, лясгасы.
Закон аб альтэрнатыўнай службе набыў моц 1 ліпеня. Ён рэгулюе адносіны, звязаныя з яе праходжаннем наўзамен вайсковай службы грамадзянамі Беларусі, якія падлягаюць прызыву на тэрміновую ваенную службу, службу ў рэзерве і якія асабіста заявілі, што прыняцце ваеннай прысягі, нашэнне, прымяненне зброі або непасрэдны ўдзел у вытворчасці і абслугоўванні зброі, боепрыпасаў і баявой тэхнікі супярэчаць іх рэлігійным перакананням у той меры, у якой становіцца немагчымым праходжанне воінскай службы.
Пытанні забеспячэння праходжання альтэрнатыўнай службы не належаць да кампетэнцыі Узброеных сіл і Мінабароны. Яны ўваходзяць у сферу кампетэнцыі Міністэрства працы і сацыяльнай абароны.
Тэрміны альтэрнатыўнай службы складаюць: для грамадзян, якія не маюць вышэйшай адукацыі, — 36 месяцаў; для грамадзян з вышэйшай адукацыяй — 24 месяцы. У тэрмін альтэрнатыўнай службы не залічваюцца дні, якія прыпадаюць на час знаходжання грамадзяніна ў адпачынку ў сувязі з паступленнем ва ўстанову адукацыі і атрыманнем адукацыі, на тэрмін адбыцця пакарання ў выглядзе арышту, час, на працягу якога грамадзянін не выконваў абавязкі альтэрнатыўнай службы ў сувязі з ужываннем да яго адміністрацыйнага спагнання, на працягу якіх ён адсутнічаў без паважных прычын больш за тры гадзіны падчас выканання абавязкаў альтэрнатыўнай службы альбо знаходзіўся ў гэты перыяд часу ў стане алкагольнага ап'янення, ужываў іншыя адурманьваючыя рэчывы падчас выканання абавязкаў альтэрнатыўнай службы.
Цяпер чытаюць
Коўл Лукашэнку: Табе трэба быць больш асцярожным, за сталом кепскіх пацаноў застаўся адзін ты10
Каментары