18 жніўня ўмовы надвор'я на тэрыторыі Беларусі ў асноўным будзе вызначаць актыўны франтальны раздзел.
Чакаецца воблачнае з праясненнямі надвор'е. Ноччу на большай частцы тэрыторыі, днём пераважна па ўсходзе пройдуць дажджы,
у начныя гадзіны месцамі — моцныя дажджы.
У асобных раёнах прагрымяць навальніцы. Раніцай месцамі згусціцца слабы туман. Вецер пераменных напрамкаў умераны, пры навальніцах парывісты.
Тэмпература паветра мінімальная ноччу +9.. + 15°C, максімальная днём ад + 17°C па поўначы да + 24°C па поўдні краіны. Атмасферны ціск уначы істотна не зменіцца, днём будзе расці.
У наступныя двое сутак, 19—20 жніўня, краіна ў асноўным будзе знаходзіцца пад уплывам вобласці павышанага атмасфернага ціску, і толькі на ўсходзе захаваецца ўплыў франтальнага падзелу.
На большай частцы тэрыторыі краіны дажджы спыняцца, і толькі месцамі па ўсходзе пройдуць кароткачасовыя дажджы з навальніцамі. Ноччу ў асобных раёнах слабы туман.
Тэмпература паветра мінімальная ноччу +8.. + 15°C, максімальная днём +22.. + 28°C, 20 жніўня па поўдні паветра прагрэецца да +30°C
Цяпер чытаюць
«Я стаў шчаслівы». Праца на будоўлі прыносіць добрыя грошы, а грамадская актыўнасць — маральную сілу. Былы каліновец Кусь расказаў пра тое, як вярнуў унутраную раўнавагу
«Я стаў шчаслівы». Праца на будоўлі прыносіць добрыя грошы, а грамадская актыўнасць — маральную сілу. Былы каліновец Кусь расказаў пра тое, як вярнуў унутраную раўнавагу
«Галандскі архітэктар», які адбудаваў Вострую браму і паставіў сабе дом-крэпасць у Гайцюнішках, аказаўся ніякім не галандцам. Але яго спадчына захапляе1010
Каментары