Герасіменя: Гэтыя пакемоны, якіх ловяць па ўсім свеце, — чалавечая катастрофа
Новаспечаная бронзавая медалістка Алімпіяды ў Рыа Аляксандра Герасіменя пракаментавала стан спраў з маладымі талентамі ў плаванні.
Фота Дзмітрыя Брушко, Tut.by
«Магчыма, што цяпер яны не на віду, але зорачкі ўсё роўна ёсць. Іх не можа не быць. Або яны проста пакуль не займаюцца плаваннем, або іх яшчэ не заўважылі. Але ёсць праблема ў тым плане, што цяпер моладзь больш увагі надае электронным гаджэтам, чым фізічнай нагрузцы. Сацсеткі, анлайнавыя гульні … А гэтыя пакемоны, што цяпер з'явіліся і якіх ловяць па ўсім свеце — гэта, вядома, чалавечая катастрофа … Асабіста ў маім разуменні», — заўважыла Герасіменя на сустрэчы з прэсай у канферэнц-зале «Беларусбанка».
Каментары