Карыстальнікі Instagram і Twitter прызналі 12-гадовага аўстралійца Уільяма Франкліна-Мілера самым прыгожым у свеце хлопчыкам, піша Daily Mail.
Спачатку акаўнты Уільяма ў сацсетках сталі папулярнымі ў азіяцкім сегменце інтэрнэту. Яго фатаграфіяй падзялілася школьніца з Японіі, і здымак у яе Twitter-акаўнце атрымаў тысячы рэпостаў. Пасля гэтага на Франкліна-Мілера абрынуліся запыты на даданне ў сябры.
«Я атрымліваў каля ста новых падпісчыкаў кожныя тры секунды», — распавёў хлопчык.
Па словах школьніка, ён і яго маці спачатку падумалі, што акаўнты ўзламалі, але потым зразумелі, што адбылося, з каментароў людзей да фатаграфій. «Ты рэальна знакаміты ў Японіі і Кітаі», — напісалі Уільяму фаловеры. Яны рабілі кампліменты яго знешнасці і запрашалі хутчэй прыехаць у іх родныя краіны.
Колькасць падпісчыкаў «самага прыгожага хлопчыка» ў Instagram дасягнула 152 тысяч, прычым, па словах Франкліна-Мілера, колькасць фаловераў вырасла ў сотні разоў за двое сутак з моманту публікацыі яго фота японкай.
Як удакладняе Daily Mail, Уільям з васьмі гадоў працуе мадэллю і робіць першыя крокі ў акцёрскай кар'еры. У прыватнасці, ён зняўся для каляднай рэкламы ўнівермага Harrod's і ў аўстралійскім тэлесерыяле «Джэк Айрыш».
Цяпер чытаюць
Усе гадаюць, чаму Месяц змяніў сваё становішча на небе. Спыталі ў астранома, што адбываецца8
Усе гадаюць, чаму Месяц змяніў сваё становішча на небе. Спыталі ў астранома, што адбываецца
Часам нечаканая гісторыя беларускіх гімнаў: «Мы выйдзем шчыльнымі радамі», «Пагоня», «Жыве Беларусь», «Радзіма мая дарагая», «Магутны Божа» (з ВІДЭА)1212
Каментары