Нават нягледзячы на тое, што канцэртную пляцоўку перад пачаткам імпрэзы давялося змяніць.
З Верхняга горада музыкі і слухачы перамясціліся ў Галерэю Tut.by.
Больш за 150 чалавек прыйшлі на выніковы канцэрт у межах конкурсу «Заспявай 3.0». Спачатку аматараў беларускай музыкі «разагравалі» Фёдар Жывалеўскі, Віктар Лупасін і неймаверна пазітыўны гурт Leibonik. А напрыканцы да публікі нарэшце выйшаў Лявон Вольскі.
Прагучалі ўсімі любімыя «Простыя словы», якія ведалі ці не ўсе, хто быў там, а таму спявалі разам.
Калі Лявон Вольскі заспяваў «Трох чарапах», зала папросту ўстала.
А калі загучаў рамантычны «Абсэнт», пары выйшлі танцаваць.
Крэслы тут ужо былі непатрэбныя.
Гэта першы выступ Лявона Вольскага ў Мінску за апошнія два гады, на які быў афіцыйны дазвол.
Тры тыдні таму ў Сухараве Вольскі сабраў некалькі соцен людзей, калі выступаў у межах пікету па зборы подпісаў за прэтэндэнта на кандыдата ў дэпутаты Палаты Прадстаўнікоў ад руху «За свабоду» Алеся Лагвінца.
Цяпер чытаюць
«Я так далёка забралася. Шкада толькі, што не магу паказаць гэта тату». Як жыве дачка Паўла Шарамета праз 10 гадоў пасля яго гібелі6
Каментары