Увесь склад сталічнай міліцыі яшчэ да пачатку святкавання Дня Мінска і прымеркаванага да яго Мінскага паўмарафону, якія пройдуць 3 і 4 верасня, будзе пераведзены на ўзмоцнены варыянт нясення службы з кругласутачнай аховай.
Пра гэта заявіў 30 жніўня на прэс-канферэнцыі ў Мінску намеснік начальніка ўпраўлення аховы правапарадку і прафілактыкі ГУУС Мінгарвыканкама Андрэй Бакач.
«У месцах правядзення святочных мерапрыемстваў будзе працаваць ўзмоцненая ахова», — паведаміў прадстаўнік міліцыі.
Паводле яго слоў, месцы масавых мерапрыемстваў будуць агароджаныя, праход да іх будзе ажыццяўляцца праз кантрольна-прапускныя пункты. Бакач паабяцаў, што такіх КПП будзе дастаткова для бесперашкоднага пропуску гараджан да месцаў масавых мерапрыемстваў.
Ён нагадаў, што на масавыя мерапрыемствы не будуць прапускаць людзей у стане алкагольнага і наркатычнага ап'янення. Удзельнікаў святаў будуць правяраць на наяўнасць халоднай і агнястрэльнай зброі, выбуховых рэчываў, муляжоў або імітатараў зброі, боепрыпасаў. Забаронена таксама праходзіць з «прадметамі, здольнымі нанесці цялесныя пашкоджанні», з веласіпедамі і свойскімі жывёламі.
«Грамадзяне павінны мінімізаваць колькасць ручной паклажы, у тым ліку вялікіх памераў. Каля Палаца спорту будуць размешчаны камеры захоўвання, куды будзе магчымасць здаць вялікую ручную паклажу, заплечнікі і сумкі», — сказаў Бакач.
Ён таксама адзначыў, што для пазбягання чэргаў каля КПП лепш прыйсці загадзя — за 20—30 хвілін да пачатку мерапрыемстваў.
Як паведамілі прадстаўнікі МНС і медыцынскай службы, на свяце будуць дзяжурыць падраздзяленні МНС і брыгады хуткай медыцынскай дапамогі. На Мінскім паўмарафоне таксама будуць дзяжурыць валанцёры з ліку студэнтаў апошняга курсу медуніверсітэта.
Нагадаем, асноўныя падзеі святкавання 949-годдзя Мінска пройдуць 3 верасня і будуць сканцэнтраваны на пляцоўцы каля Палаца спорту і ў Верхнім горадзе. Завершыцца дзень музычна-піратэхнічным феерверк-шоу (пачатак а 22 гадзіне).
Палітвязняў па ўсёй краіне апытваюць: пасля памілавання вы хочаце застацца ў Беларусі ці з'язджаць?9
Палітвязняў па ўсёй краіне апытваюць: пасля памілавання вы хочаце застацца ў Беларусі ці з'язджаць?
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»3535
Каментары